श्री अंबाबाई भक्त मंडळ, कोल्हापूर यांचे

श्री अंबाबाई अन्नछत्र

साडेतीन शक्तीपीठ पैकी एक म्हणून कोल्हापूरची करवीर निवासिनी जगतजणनी आई श्री अंबाबाई आहे. कोल्हापुरच्या श्री अंबाबाईच्या दर्शनासाठी विविध ठिकाणाहून असंख्य भाविक दर्शनासाठी येत आहेत. श्री अंबाबाई व देवदेवतांचे दर्शन घेतले नंतर त्यांना महाप्रसाद देणेसाठी श्री अंबाबाई अन्नछत्र येथे विनामूल्य महाप्रसादाची व्यवस्था करण्यात आलेली आहे. या महाप्रसादाची वेळ दररोज सकाळी 11 ते रात्री 9 या वेळेत करण्यात आलेली आहे. या ठिकाणी कोल्हापुरात दर्शनासाठी आलेले असंख्य भाविक महाप्रसादाचा लाभ घेत आहेत. श्री अंबाबाई अन्नछत्रामध्ये परगावच्या भक्तांना मोफत महाप्रसाद व्यवस्था करण्यात आलेली आहे. अन्नछत्र हॉलमध्ये सन 2007 पासून अन्नछत्र सुरू आहे. हा हॉल सर्व सोईसुविधा युक्त असून यामध्ये अन्नदानाचे कार्य सुरु आहे.अन्नछत्रामध्ये भक्तांनी महाप्रसाद घेतेवेळी वॉटर फिल्टर मधून शुद्ध केलेले पाणी पिण्यासाठी दिले जाते.अन्नछत्रा मध्ये सकस आहार असून महाप्रसाद तयार करताना कांदा लसूण चा वापर केला जात नाही.या महाप्रसादामध्ये तिखट म्हणून मिरचीपुडचा वापर केला जातो. श्री अंबाबाई अन्नछत्र हे स्वतःच्या मालकीच्या प्रशस्त हॉलमध्ये असून महाप्रसाद सेवेत कोणाकडून कोणतीही मागणी केली जात नाही पण जे स्वतः अन्नदान करणार आहेत असे भक्तांच्या इच्छेनुसार दान देणेस स्वेच्छेने सहभागी होत आहेत.